Dard Ki Neeli Ragein

Chataanon sy

Bohut Aasaan tha

Bohut aasaan tha uski mohabbat ko dua kerna

Bohut mushkil hai bandon ko magar khuda kerna

Kahan tak khenchna deewar par sadah lakeeron ko

Tumhari yaad mein kab tak unhein beithey gin’na kerna

Najane kis liye seekha tareeqa ye hawaon ne

Mere kamrey mein san’atey zaberdasti bhara kerna

Lahoo ki tarah rag rag mein jo peiham dar behte hai

Zameen ki teh mein le jaaye tau kya uska gil’la kerna

Mohabbat kerne walon ki kahani bas yehi tau hai

Kabhi naina mein bhar jana kabhi dil mein racha kerna

Haqeeqi daastano ka fasana bhi koi likhey

Mohabbat kerne walon ke liye naina dua kerna

Chai hui thi

Basi Hai yaad koi

Basi hai yaad koi aa ke mere kajal mein
Lipat gaya hai adhora khayaal aanchal mein

Mein seep hon so mujhe apne dil mein rehne do
Gohar bana nahein kerte hain eik do pal mein

Usi charaagh ki lau se ye dil dharakta hai
Jaley rakhti hon jisko shab E musalsal mein

Tapak rahe hain dar O baam se mere aansoo
Chupe huey thay abhi tak wo jaise badal mein

Mein zindagi ke liye phool chun’na chahti hon
Kahein udaas na ho wo khizaan zadah kal mein

Khizaan ka daur hai lekin kisi kichahat se
Dharak rahi hai bahar eik eik kounpal mein

Mein titliyon ki tarah beqarar hon Naina
Udaasiyon ko liye khwahishon ke jungle mein

Baam O Dar

      

Aur usey jo yaad

Abr Bhi Jheel Par

Abr Bhi Jheel Par Barasta Hai

Kheit Ik Boond Ko Tarasta Hai

Dard Seh Kar Bhi Milti Hai Taskeen

Wo Shikanja Kuch Aise Kasta Hai

Uski Marzi Pe Hai Urooj O Zawaal

Bakht Saaz Aasman Pe Basta Hai

Ehtiyatann Zara Sa Dor Raho

Ab Tau Har Eik Shakhs Dasta Hai

Mein Bhi Joher Shanaas Hon Jaanan

Dil Ka Sauda Bhi Koi Sasta Hai

Reit Ban Kar Bikhartey Hain Naina

Meri Aahon Se Thal Jhulasta Hai

Aasman Ke Rangon

 

          

Aasman ke rangon mein rang hai sha-habi sa
Dhiyaan mein hai phir chehra eik mah-tabi sa

Phir hawa chali shayad bhole bisre khwabon ki
Dil mein utth raha hai kuch shoq aztarabi sa

Tum ajeeb qatil ho, rooh qatal kerta ho
Daaghte ho phir maatha chaand ki rakabi sa

Harf pyar kw saare aa gaye thay aankhon mein
Jab liya tha haathon mein chehra wo kitabi sa

Kaum keh gaya hai maut tootney se aa-ti hai
Phool ne bikher ke baagh ker diya gulabi sa

Manzaron ne kirnon ka perahan jo pehna hai
Meine us ka rakha hai naam aaf-tabi sa

Boond boond hoti hai rang-o-noor ki barkha
Jab se mausam aaya hai naina mein sharabi sa
******************

Aankh chupke se btati ha

Aankh chupke se bata’ti hai jise be’khwabi

Us ki jaanib se chali aaye koi be’taabi

Sheeshe ko torne walo abhi pather dhondo

Mujhko mahtab ne laa di hai meri shaadabi

Eik mausam hai ke utra hai nazare leker

Jaan’lewa thi paharon pe jami barfaabi

Kyon zamanat ko uttha lai mein apne jugnu

Kaun dekhe ga meri raqs bhari paa’yabi

Munharif tau nahein un se mein anaa ki khaatir

Lutf letey hain wo de de ke mujhe teizaabi

Talkhiyon ka mere dil ka nahein koi naata

Chotay se ghar mein rishton ki bari seiraabi

Khauf se pheil gaye hain mere naina lekin

Khush’bayani se mit’tani hai mujhe zehraabi

Aadhi Raat ky sapny

Aadhi raat ke sapne shayad jhote thay

Ya phir pehli baar sitare totey thay

Jis din sheher se bhaag ke sheher mein pohnchi thi

bhaag bhari ke bhaag usi din phoote thay

Mazhab ki bunyaad pe kya taqseem hui

Hamsayon ne hamsaye hi loote thay

Shokh nazar ki chutki ne nuqsaan kiya

Haathon se chaey ke bertan tote thay

Oorrh ke phirti thi jo naina saree raat

Us resham ki shaal pe yaad ke boote thay

Rasme Karokari